രോഹിണി സെക്ടർ 17-ലെ അയ്യപ്പ ക്ഷേത്രത്തിലെ മൂന്നാം വാർഷിക തിരുവുത്സവം ഈ മാസം 30 മുതൽ മെയ്‌ മൂന്നു വരെ നടക്കും. കുടമാളൂർ കിഴക്കില്ലം മഹാദേവൻ നമ്പൂതിരിയുടെ മുഖ്യ കാർമികത്വത്തിലാണ് പരിപാടികൾ നടക്കുക.

ഏപ്രിൽ 30, മെയ്‌ ഒന്ന് തീയതികളിൽ ഗണപതി ഹോമം, വിശേഷാൽ പൂജകൾ, മെയ്‌ രണ്ടിന് വൈകിട്ട് ഏഴു മണി മുതൽ ഗാനമേള എന്നിവ ഉണ്ടായിരിക്കും. മെയ്‌ മൂന്നിന് വിശേഷാൽ പൂജകൾ, ഭജന, പറയിടൽ, ഉച്ചക്ക് ആറാട്ട്‌ സദ്യ, വൈകിട്ട് 6.30 ന് സെക്ടർ 18 -ൽ നിന്ന് വാദ്യമേളങ്ങളുടെയും താലപ്പോലിയുടെയും അകമ്പടിയോടെ ആറാട്ട് എഴുന്നള്ളത്ത്‌, തുടർന്ന് അന്നദാനം.